〈阿母的裁縫車〉

〈阿母的裁縫車〉　楊穎鋒

阿母有一架裁縫車

那是阿母的嫁妝

會記囝仔時代

阿母攏是在下晡時

坐在窗仔下　踏著裁縫車仔

達　達　達達達

車出一領又一領的新衫

打新棉襀被時

阿母嘛會踏著車仔　達達達達

車出印著大蕊紅花的被單

彼架裁縫車仔

親像一卡魔術箱仔

麵粉袋變做內底衫

破褲變做兩片裙

緊緊的變合合

落落的變貼貼

不管是什麼布料

　　還是什麼舊衫褲

阿母攏總會當

將伊變做流行又舒適

莫記的當時開始　就莫再聽著

阿母踏著裁縫車仔的聲

阿母講伊目睭矇霧

看無明　穿線無便利

跤頭趺緊緊疼疼　踏不震動

去年伊的阿孫仔出世了

阿母真真是歡喜

又再聽著　達　達達達達

阿母的裁縫車的聲音

車出一領又一領

溫柔的囡仔衫

2017/11/3
台客詩刊第11期

聽歌點我